Valores
A razón de ser do Grupo Lence é proporcionarlles aos nosos clientes produtos e servizos coa mellor relación calidade/prezo do mercado e contribuír a un mundo mellor a través de produtos sans, de calidade e respectuosos co medio ambiente, velando polo benestar animal e ofrecendo prezos xustos para chegar á maior cantidade de xente posible.
Queremos ser fonte de inspiración para que cada persoa, consumidora ou empregada do grupo, sexa fiel a sí mesma e loite incansablemente por acadar os seus soños.
Ser un mesmo e crer niso
En Lence non nos guiamos por convencionalismos. Temos unha forma única de facer as cousas, está no noso ADN.
Ser fiel a un mesmo, crer nos nosos principios e traballar conforme a eles levounos ata onde estamos e será o que garanta o éxito da nosa corporación no futuro.
A perserveranza acerca as metas
Tan importante como ter un obxectivo é demostrar tenacidade día a día para acadalo.
Para nós a constancia non se negocia, vai implícita en todo o que facemos.
A iniciativa é o motor para que as cousas acontezan
En Lence tomamos a dianteira; non esperamos a que outros decidan por nós ou a que as cousas acontezan por si mesmas.
Para nós ese dinamismo é a materia prima que nos fai avanzar.
Colaboración para chegar lonxe
Todos temos moito que achegar, pero, sobre todo, é a suma de poñer en común o noso traballo o que nos fai prosperar.
Todos construímos xuntos o noso éxito. As estrelas, se non saben xogar en equipo, non encaixan coa filosofía de Lence.
A cooperación positiva arrequenta todo o que facemos e axúdanos a chegar a lugares aos que sós endexamais poderiamos imaxinar chegar.
A nosa xente sempre por diante
Énchenos de orgullo dicir que Lence se configura como un grande equipo no que cada un de nós xoga un papel fundamental.
No noso día a día compartimos máis que relacións laborais e necesitámonos os uns aos outros para poder funcionar a pleno rendemento.
Por iso, esforzámonos en contribuír a facerlles máis fácil e agradable a vida aos nosos compañeiros.
Todos merecemos ter unha vida plena e éxito no noso traballo para lograr a satisfacción persoal e cumprir os nosos soños.
A nosa forma de traballar oriéntase a acadar este obxectivo e estamos absolutamente convencidos de que é o mellor camiño para conseguilo.
A calidade demóstrase con feitos
Todo o que facemos persegue o mesmo obxectivo: obter a máxima cualificación.
Os nosos proxectos, os nosos procesos e os nosos produtos só se conciben baixo o prisma da máxima calidade.
O noso leite é sometido a estritos controis de calidade a través de entidades independentes como o Laboratorio Interprofesional Galego de Análise do Leite. Análises exhaustivas e rigorosas avalían os seus niveis de calidade físicoquímica, estabilidade e ausencia de antibiótico para garantir as propiedades naturais e calidade óptima do produto.
Galicia, principio e fin
As nosas actividades son esenciais para impulsar a economía galega: preocupámonos pola creación de emprego de calidade e proporcionamos bens e servizos fundamentais para a poboación.
Nacemos en Galicia, as nosas empresas desenvolven a súa actividade nesta terra e mantemos a ilusión de facer crecer tanto o noso equipo como os logros da nosa compañía. Priorizamos sempre o noso apoio ás comunidades locais potenciando o desenvolvemento rural e fomentando a sustentabilidade e o respecto polo medio ambiente.
Sostibilidade real
Non só nos preocupamos pola óptima calidade dos produtos que comercializamos, senón tamén polo impacto que provocan no medio ambiente. Os envases dos nosos produtos lácteos elabóranse con materia prima renovable procedente de bosques xestionados de maneira responsable e outras fontes controladas. Son briks totalmente reciclables e de forma rectangular que permite aforrar espazo durante o transporte e o almacenamento, reducindo aínda máis o impacto ambiental. A solución coa menor pegada de carbono CO2 do mercado desenvolvida con Enerxía Eléctrica Renovable 100 %.