Compromiso con Galicia
Compromiso coas familias
O grupo Lence está conformado por familias: as familias dos nosos clientes, para os que traballamos decote co fin de lles ofrecer a máxima calidade; as familias de todas as persoas que integran o cadro de persoal do grupo e sen as que non poderiamos realizar o noso traballo; as familias da rede de colaboradores que cada día nos abren as portas das súas granxas para que poidamos recoller o mellor leite con todo o sabor natural de Galicia, e a familia Lence, que na segunda xeración seguimos a manter o espírito emprendedor e comprometido co agro galego do fundador, Jesús Lence.
Compromiso co agro galego
A pesar de que Galicia é a rexión líder en produción de leite no territorio español, Lence é a única empresa láctea galega entre as 10 maiores empresas da industria.
Lence merca e produce en Galicia consonte unha das nosas principais razóns de ser: devolverlle á terra parte do que recibimos dela. Sentimos unha gran responsabilidade co rural galego e somos conscientes de que a nosa actividade garante a continuidade dun gran número de ganderías familiares en Galicia.
Compromiso coa sociedade
O apoio a entidades locais está no noso ADN dende os inicios do Grupo Lence. Ao longo dos anos, vimos colaborado con entidades deportivas, clubs, asociacións veciñais e culturais para que poidan seguir levando a cabo o seu labor dinamizador no ámbito local.
Dende o patrocinio dun dos deportes máis tradicionais de Galicia, como é o remo, centrado no club de remo Ares, ao renovado apoio ao baloncesto, da man do CB Leche Río Breogán, o Leyma Basquet Coruña e o Ensino de Lugo.
A promoción do atletismo concrétase na colaboración para a organización de carreiras populares en toda Galicia: a 5K Leyma, carreira solidaria contra o cancro da Coruña; o apoio á Federación Galega de Atletismo por sexto ano consecutivo coa Liga Running Leyma É para Correr… Lugo, que no 2020 chega á súa sexta edición con 7 probas noutros tantos concellos, e a colaboración coa Universidade de Santiago de Compostela para a Carreira Campus Terra Leyma, en Lugo.
O apoio ao deporte galego do Grupo Lence plasmouse tamén nos patrocinios do RC Deportivo e o CD Lugo, o club ciclista Leyma A Coruña e o Rally San Froilán, esponsorizando os irmáns Vallejo, ademais da propia proba puntuable para o Campionato Galego.
Son só algúns exemplos do noso compromiso coa sociedade galega, que tamén nos leva a colaborar de forma continuada cos Bancos de Alimentos da Coruña e Lugo, Cruz Vermella e outras asociacións sen ánimo de lucro que traballan con persoas e familias en risco de exclusión social en Galicia.